Bakery style Burger Buns

Recipe By - Hamna Arooj

Video link - https://youtu.be/QzhC_iI0d-c

Homemade Bakery style Burger Buns. Soft and fluffy. Ajza: Oil: 4 tbsp Milk powder: 2 tbsp Cheeni: 3 tbsp Instant Yeast: 2 1/4 Anda: 1 Namak: 1 1/2 tsp Neem garam pani: 1 cup Maida: 4 cup Anda: Brushing k liye Til: hasb e zarorat

Tarkeeb: -Neem garam pani main yeast aur cheeni daal kr achi tarah mix kr lain aur 5-7 minutes k liye rise honay rakh dain, yeast mixture tyar hai. -Aik bowl main maida, namak, milk powder dal kr mix lain. -Yeast mixture, phainta hua anda aur oil daal kr smooth dough tyar honay tak achi tarah 10 minute tk gondh lain. -Bowl ko oil sy grease kr k es main tyar dough rakh dain aur us ko b thora oil laga dain. -Dough ko 1 hour k liye ya size main double ho janay tk kisi garam jaga pr achi tarah cover kr rakh dain. -Dough rise ho jaye to dobara 1-2 minute k liye gond lain aur dough ko 8 equal parts main divide kr lain. -Round balls bana kr greased try main rakh dain aur oil laga kr geely kapry sy dhak dain yahan tk k size main double ho jaye. -Dough balls double ho jaein to phainta hua anda aur til laga kr preheated oven main 190°C pr 20 minute k liye bake karain. -Buns bake ho jaein to unko oil laga kr thanda ho janay tk kpry sy dhak dain. -Delicious Bakery Style Burger Buns tyar hain.